az.rasthaber.com xəbər verir ki, ABŞ-ın Kaliforniya ştatında məhkəmə Google-u 425 milyon dollar (təxminən 17,5 milyard TL) məbləğində cərimələyib. Şirkətin istifadəçilər izləmə funksiyasını söndürməsinə baxmayaraq, illərlə icazəsiz məlumat topladığı sübuta yetirilib.
Cərimə, 2020-ci ilin iyulunda açılan iddia əsasında verilib. Məhkəmə sənədlərinə görə, Google 2016-cı ilin iyulundan 2024-cü ilin sentyabrına qədər milyonlarla insanın telefonundakı tətbiq aktivliklərinə qanunsuz şəkildə çıxış edib.
İttihamlara görə, “Veb və Tətbiq Fəaliyyəti” funksiyası söndürülməsinə baxmayaraq, şirkət istifadəçilərin axtarışları, məkan məlumatları və digər tətbiqlərdəki fəaliyyətlərini qeydə alıb. Başlanğıcda 31 milyon dollarlıq təzminat tələb olunsa da, uzun sürən proses nəticəsində cəza 425 milyon dollara qədər artırılıb.
Google açıqlamasında məhkəmə qərarına etiraz edəcəyini bildirib. Şirkət rəsmisi, məhkəmənin məhsulların necə işlədiyini səhv anladığını iddia edib və fərdiləşdirmə funksiyaları söndürüldükdə istifadəçilərin seçimlərinə hörmətlə yanaşdıqlarını vurğulayıb.
