Çelsi liderlik fürsətini əldən verdi
Premyer Liqada Enzo Mareskanın rəhbərlik etdiyi Çelsi Gtech Community Stadionunda Brentford qarşısında vacib qələbə hədəfləyirdi. London klubu 2:1 öndə ikən Fabio Karvalyonun son dəqiqə qolu nəticəsində oyun 2:2 hesabı ilə başa çatdı. Bu nəticə “zadəganlar”ın turnir cədvəlində “Arsenal”ı keçərək liderliyə yüksəlməsinə mane oldu.
Garnachonun səhvi müzakirələrə səbəb oldu
Çelsinin yeni transferi Alejandro Garnacho oyunun son dəqiqələrində buraxdığı müdafiə səhvinə görə kəskin tənqidlərə məruz qaldı. Oyuna ikinci hissədə Koul Palmerlə birlikdə daxil olan argentinalı futbolçu, 85-ci dəqiqədə Moises Kaysedonun vurduğu qolda pay sahibi olmuşdu. Lakin matçın son anlarında diqqətsizliyi səbəbindən Karvalyonun qoluna mane ola bilmədi.
Redknapp: “Bir vəzifəsi var idi”
Oyundan sonra “Sky Sports”a danışan sabiq Premyer Liqa futbolçusu Ceymi Redknapp məsuliyyəti Garnachonun üzərinə qoydu:
“Garnachonun bir vəzifəsi var idi – Karvalyonu marke etmək. Bu qədər sadə. Onu qaçırmamalısan. Əgər arxasına sarkırsa, məsuliyyət sənindir. Hər kəs ilk topu qarşılamağa çalışırdı, bu asan deyil, çünki Brentford güclü futbolçulara malikdir. Amma Garnacho həmin anda oyundan kənarda qaldı. Şade topu cərimə meydançasına göndərdi, o isə diqqətsiz davrandı və nəticədə Karvalyo arxa dirəkdə qolu vurdu”.
Kabus kimi debüt
Beləliklə, Garnacho üçün Çelsidəki ilk oyun həm uğurlu anlarla, həm də ağır səhvlə yadda qaldı. Futbolçu komandasının qələbə qolunda iştirak etsə də, son dəqiqələrdə buraxdığı boşluq azarkeşlərin və ekspertlərin diqqətindən yayınmadı. Bu epizod gənc oyunçunun gələcək performansına daha çox diqqət yetiriləcəyini göstərir.
