Fransa millisinin Azərbaycanla oyuna heyəti bəlli oldu
DÇ-2026-nın seçmə mərhələsində çıxış edən Fransa milli komandası oktyabr ayında Azərbaycan və İslandiya ilə qarşılaşacaq. Baş məşqçi Didye Deşam matçlar üçün 23 futbolçudan ibarət heyəti açıqlayıb.
Fransa – Azərbaycan oyunu 10 oktyabrda Parisdə, “Park de Prens” stadionunda, Bakı vaxtı ilə saat 22:45-də start götürəcək. Üç gün sonra isə Fransa millisi səfərdə İslandiya ilə qarşılaşacaq.
Fransa yığmasının heyəti
Qapıçılar: Luka Şevalve (PSJ), Mayk Menyan (“Milan”, İtaliya), Bris Samba (“Renn”)
Müdafiəçilər: Luka Din (“Aston Villa”, İngiltərə), Malo Qyusto (“Çelsi”, İngiltərə), Lukas Ernandes (PSJ), Teo Ernandes (“Əl-Hilal”, Səudiyyə Ərəbistanı), İbrahima Konate (“Liverpul”, İngiltərə), Jül Kunde (“Barselona”, İspaniya), Vilyam Saliba (“Arsenal”, İngiltərə), Dayo Upamekano (“Bavariya”, Almaniya)
Yarımmüdafiəçilər: Eduardo Kamavinqa (“Real Madrid”, İspaniya), Manu Kone (“Roma”, İtaliya), Maykl Olise (“Bavariya”, Almaniya), Adrien Rabyo (“Milan”, İtaliya), Kefren Türam (“Yuventus”, İtaliya)
Hücumçular: Manes Akliuş (“Monako”), Bradli Barkola (PSJ), Kinqsli Koman (“Əl-Nəsr”, Səudiyyə Ərəbistanı), Uqo Ekitike (“Liverpul”, İngiltərə), Jan-Filipp Mateta (“Kristal Pelas”, İngiltərə), Kilian Mbappe (“Real Madrid”, İspaniya), Kristofer Nkunku (“Milan”, İtaliya)
Həlledici qarşılaşma
Fransa millisi hazırda Avropa futbolunun ən güclü heyətlərindən birinə sahibdir. Azərbaycan yığması üçün bu qarşılaşma böyük sınaq olacaq. Didye Deşamın heyətində Mbappe, Kamavinqa, Konate kimi dünya səviyyəli ulduzların yer alması görüşə marağı daha da artırır.
Azərbaycan futbolçuları üçün bu oyun həm təcrübə toplamaq, həm də öz bacarıqlarını Avropanın ən güclüləri qarşısında nümayiş etdirmək baxımından mühüm imkan yaradacaq.
