Ölənlərin sayı artır
Filippinlərdə sentyabrın 30-da Palompon bölgəsinin qərb sahillərində baş verən 6,9 bal gücündə zəlzələdə ölənlərin sayı 72-yə yüksəlib. Bu barədə ölkənin Milli Fəlakətlərin Azaldılması və İdarə Edilməsi Şurası (NDRRMC) məlumat yayıb.
Rəsmi açıqlamaya görə, zəlzələ nəticəsində ümumilikdə 47 min 221 nəfər təsirlənib. Ən çox can itkisi Orta Visayas bölgəsində qeydə alınıb.
Evlər və binalar dağıldı
NDRRMC-nin açıqlamasında bildirilib ki, ümumilikdə 597 ev zərər görüb. Onlardan 501-i qismən, 96-sı isə tamamilə dağılıb.
Filippin Qızıl Xaçının prezidenti Riçard Qordon isə bəzi kilsələrin qismən uçduğunu, məktəblərin isə boşaldıldığını açıqlayıb.
Pasifik “Atəş Çemberi”ndəki təhlükə
Filippinlər dünyada seysmik hərəkətlərin ən çox müşahidə olunduğu ölkələrdən biridir. Ölkə, “Pasifik Atəş Çemberi” adlanan və güclü zəlzələlərin tez-tez baş verdiyi seysmik zolaqda yerləşir.
Mütəxəssislər zəlzələnin ardından daha güclü afterşokların ola biləcəyini bildirərək əhalini ehtiyatlı olmağa çağırır.
