Məzə hərbi aerodromunun ətrafı atəşə tutuldu
Suriya dövlət informasiya agentliyi SANA-nın məlumatına görə, Dəməşqdə yerləşən Məzə hərbi aerodromunun ətrafı naməlum mənbədən atılan üç mərmi ilə hədəfə alınıb. Hadisə nəticəsində nə xəsarət alan olub, nə də maddi zərər qeydə alınıb.
Agentlik hərbi mənbəyə istinadən bildirib ki, insidentdən dərhal sonra aidiyyəti qurumlar ərazidə təhlükəsizlik tədbirlərini gücləndirib və mərmilərin haradan atıldığını müəyyən etmək üçün araşdırmalara başlayıblar.
Bölgədə araşdırmalar davam edir
Yerlı mənbələr bildirir ki, mərmilərin düşdüyü sahə təhlükəsizlik məqsədilə müvəqqəti olaraq bağlanıb. Hazırda ərazidə genişmiqyaslı araşdırma aparılır.
İlkin ehtimallara görə, mərmilərin atıldığı istiqamət Dəməşq kəndlərindən biri olan Darayya bölgəsinin ətrafındakı bağlıq ərazilər ola bilər. Mənbələr bununla bağlı məlumatların yoxlanıldığını qeyd edib.
