i24NEWS internet saytının suriyalı bir mənbəyə istinadən verdiyi xəbərə görə, Təl-Əviv ilə Dəməşq arasında Vaşinqtonun vasitəçiliyi ilə aparılması gözlənilən danışıqlar Suriya ilə İsrail arasında təhlükəsizlik sazişinin və daha genişmiqyaslı əməkdaşlığın yolunu aça bilər.
Xəbərdə yer alan məlumatlara görə, Colani hökuməti İsraillə sülh prosesini irəlilədəcək real və tətbiq oluna bilən bir kompromisin mümkün olduğuna inanır. Bildirilir ki, bu kompromis İordaniyanın daha əvvəl İsraillə sərhəd bölgələrindəki qapalı ərazilərlə bağlı imzaladığı razılaşmaya bənzər şəkildə, Qolan Təpələrinin 25 il müddətinə icarəyə verilməsini də əhatə edə bilər.
Eyni mənbə qeyd edib ki, sözügedən plan çərçivəsində bu ərazilərin birgə iqtisadi layihələr üçün “sülh parkına” çevrilməsi də gündəmdədir. Bu addımın iki tərəf arasında etimad qurucu mexanizm kimi dəyərləndirilməsinin hədəfləndiyi bildirilib.
