E1 layihəsinə yaşıl işıq
Sionist rejimin naziri Benyamin Netanyahu işğal altındakı Qərbi Şəriyədə fələstin torpaqlarını parçalayan və Şərqi Qüdsdəki məskunlaşmaları genişləndirən “E1 Projesi”nə rəsmi olaraq icazə verib. Netanyahu çıxışında, “Fələstin dövləti olmayacaq, bura bizə məxsusdur” ifadəsini işlədərək layihəni “tarixi və demoqrafik qələbə” kimi qələmə verib.
Layihənin məqsədi
E1 planına əsasən, Maalə Adumim ətrafında 3 min 401 yeni qanunsuz yaşayış evinin inşası planlaşdırılır. Bununla bölgədəki yəhudi məskunlaşmaçıların sayının ikiqat artırılması nəzərdə tutulur. Bu layihə Şərqi Qüdsün Qərbi Şəriyədən olan fələstin torpaqları ilə əlaqəsini kəsərək, mümkün bir Fələstin dövlətinin ərazi bütövlüyünü məhv edir.
Fələstin tərəfinin reaksiyası
Fələstin rəhbərliyi sözçüsü Nabil Əbu Rudeynə, Şərqi Qüdsün paytaxt elan ediləcəyi bir Fələstin dövlətinin barış üçün əvəzsiz olduğunu bildirib. O, Netanyahunun planını “bölgəni uçuruma aparan təhlükəli addım” adlandırıb və dünyadakı bütün dövlətləri Fələstin dövlətini dərhal tanımağa çağırıb.
Beynəlxalq qərarların pozulması
BMT Baş Assambleyası daha əvvəl İsrailin Qərbi Şəriyədən çəkilməsi və yeni məskunlaşmaları dayandırması barədə qərar qəbul etmişdi. Eyni zamanda, Beynəlxalq Ədalət Məhkəməsi də İsrailin işğal altındakı torpaqlarda bütün yeni tikinti fəaliyyətlərini dərhal dayandırmalı olduğunu bəyan etmişdi. Lakin Netanyahu hökuməti bu qərarlara məhəl qoymadan E1 layihəsini irəli aparır.
İki dövlətli həllə zərbə
E1 layihəsi, Şərqi Qüdsün şərqində, Maalə Adumim ilə Qüds arasında yerləşən təxminən 12 kvadratkilometrlik sahəni əhatə edir. Layihə beynəlxalq hüquqa zidd olmaqla yanaşı, həm də iki dövlətli həll yolunun qarşısında əsas maneə hesab olunur. Mütəxəssislər bu planı fələstinlilərin hüquqlarının açıq-aşkar pozulması kimi qiymətləndirirlər.
