“Çin və Aİ tərəfdaşdır”
Wang Yi Almaniya və Fransa xarici işlər nazirləri ilə görüşü zamanı bildirib ki, Çin və Avropa İttifaqı rəqib deyil, tərəfdaşdır.
O vurğulayıb ki, Avropa İttifaqı ilə qarşılıqlı əlaqə risk deyil və açıq əməkdaşlıq təhlükəsizliyi zəiflətmir. Van İ qeyd edib ki, Çinlə iqtisadi və diplomatik əlaqələrin genişləndirilməsi qarşılıqlı faydaya əsaslanır.
“Çinin inkişafı Avropa üçün fürsətdir”
Van İ bildirib ki, Çinin inkişafı Avropa üçün fürsət yaradır və Avropanın üzləşdiyi problemlərin mənbəyi Çin deyil. Onun sözlərinə görə, tərəflər arasında əməkdaşlıq ortaq iqtisadi maraqlar və institusional əlaqələr əsasında möhkəmləndirilməlidir.
Diplomatik kanallar ön planda
China Daily qəzeti yazıb ki, Avropa rəsmilərinin Pekinə səfərləri münasibətlərdə dialoq və praktiki əməkdaşlığın gücləndirilməsi istiqamətində yeni meyllərin formalaşdığını göstərir.
Nəşr qeyd edib ki, fikir ayrılıqlarının diplomatik kanallar vasitəsilə idarə olunması və münasibətlərin iqtisadi maraqlar üzərində sabitləşdirilməsi əsas prioritetlərdəndir.
Münasibətlərdə yeni mərhələ?
Son illər Çin-Aİ münasibətlərində ticarət, texnologiya və təhlükəsizlik sahələrində fikir ayrılıqları müşahidə olunsa da, tərəflər dialoqu davam etdirmək niyyətində olduqlarını bildirirlər.
Van İnin açıqlamaları Pekinin Brüssel ilə əlaqələri qarşıdurma xəttindən uzaqlaşdırmaq və strateji tərəfdaşlıq modelinə qaytarmaq istədiyini göstərir.
