az.rasthaber.com xəbər verir ki, Almaniyada keçirilən son rəy sorğusu kansler Fridrix Mers (Xristian Demokrat İttifaqı – CDU) hökumətinə ictimai etimadın kəskin şəkildə azaldığını üzə çıxarıb.
ARD ictimai yayımçısı üçün Infratest dimap institutunun 1–2 sentyabr tarixlərində 1.300 nəfər arasında apardığı sorğuya görə, almanların 75%-i hökumətin fəaliyyətindən ya “qismən narazıdır” (46%), ya da “tamamilə narazıdır” (29%). Yalnız 21% respondent kanslerin fəaliyyətindən “razı” olduğunu, cəmi 1% isə “çox razı” olduğunu bildirib.
Sorğu nəticələri həm Mersin, həm də koalisiya hökumətinin indiyədək ən aşağı reytinqini göstərir. CDU və Sosial Demokrat Partiyanın (SPD) yaratdığı yeni hökumət, 2022-ci ildə sol mərkəzçi koalisiyanın ilk dörd ayındakı 47%-lik razılıq səviyyəsindən xeyli geri qalır.
Partiyalar üzrə də mənzərə oxşardır: respondentlərin üçdə ikisindən çoxu həm CDU, həm də SPD-nin fəaliyyətini mənfi qiymətləndirib. Kansler Mersin şəxsi reytinqində də kəskin geriləmə müşahidə olunur – sorğuda iştirak edənlərin 62%-i onun fəaliyyətindən narazıdır.
