İraqda izdihamlı mərasimlər
Bağdadın Təhrir meydanı minlərlə insanın iştirakı ilə şəhid Seyid Həsən Nəsrullah və Seyid Haşim Səfiəddinin şəhadətinin birinci ildönümünə həsr olunmuş tədbirlərə şahidlik edib.
Mərasimdə şəhidin oğlu Seyid Cavad Nəsrullah da iştirak edib və çıxışında atasının yolunun davam etdiriləcəyini vurğulayıb:
“Bizim andımız budur ki, Nəsrullahın yolunu tərk etməyəcəyik, müqavimət meydanlarını boş qoymayacağıq.”
İraqın müxtəlif bölgələrindən gələn izdihamlı kütlələr bu mərasimi şəhid liderlərə sədaqət və minnətdarlığın təzahürü kimi dəyərləndirib.
Yəməndə dəstək yürüşləri
Yəmənin bir çox vilayətində on minlərlə insan küçələrə çıxaraq həm Qəzzaya dəstək, həm də şəhid liderlərin xatirəsini yad edib.
Yəmən rəsmiləri və dini xadimlər çıxışlarında Seyid Həsən Nəsrullahı “dövrümüzün ən böyük ərəb-İslam liderlərindən biri” adlandırıblar. Onlar vurğulayıblar ki, Nəsrullah və Səfiəddinin şəhadəti müqaviməti zəiflətməyib, əksinə daha da gücləndirib.
Bəhreyndə məhdudiyyətlərə rəğmən anım
Bəhreyndə də yüzlərlə insan küçələrə çıxaraq şəhid liderlərin ildönümünü yad edib. Dir, Səhlə və Bilad əl-Qədim bölgələrində keçirilən yürüşlərdə xalq müqavimətə sədaqətini nümayiş etdirib.
Bəhreyn təhlükəsizlik qüvvələri bir sıra iştirakçıları saxlayıb və izdihamı dağıtmağa çalışıb. Lakin bütün maneələrə baxmayaraq, anım mərasimləri müxtəlif bölgələrdə davam edib.
Ortaya qoyulan mesaj
İraqdan Yəmənə, Bəhreyndən Livana qədər keçirilən tədbirlər, Seyid Həsən Nəsrullah və Seyid Haşim Səfiəddinin yolunun bölgədə hələ də canlı olduğunu, onların qoyduğu müqavimət xəttinin isə yeni nəsillər tərəfindən davam etdirildiyini bir daha göstərdi.
