İranın Birləşmiş Millətlər Təşkilatındakı (BMT) Daimi Nümayəndəliyi ABŞ-ın ölkəyə hərbi müdaxilə edəcəyi təqdirdə İran xalqının ölkəni müdafiə etməyə hazır olduğu barədə xəbərdarlıq edib.
İranın BMT-dəki Daimi Nümayəndəliyi sosial media platforması X üzərindən paylaşım edərək, ABŞ Prezidenti Donald Trampın İrana hücum etməyə hazır olduğu yönündəki açıqlamalarına reaksiya verib.
Nümayəndəlik “Amerikanın İrana dair fantaziyaları və siyasətləri rejim dəyişikliyinə əsaslanır” deyə bildirərək bunları qeyd edib:
“Sanksiyalar, təhdidlər, narahatlıq və xaos hərbi müdaxilə üçün bəhanə kimi istifadə olunur. Bu ssenari əvvəllər də uğursuz olub. İran xalqı ölkəsini müdafiə edəcək. Şübhəsiz ki, bu ssenari yenə də uğursuz olacaq.”
